Majburiy ijro byurosi Navoiy viloyati Qiziltepa tuman bo‘limi xodimlari tomonidan tumandagi Kusharti MFYda joylashgan fuqaro R. G‘. o‘ziga tegishli xonadonda o‘zboshimchalik bilan elektr tarmog‘iga hisoblagichdan tashqari yashirin ravishda ulanib, 1 dona televizor, 3 dona yoritgich, 2 dona elektr isitish pechi, 1 dona elektr plita, 1 dona rozetka orqali elektr energiyasidan 221 kun davomida noqonuniy foydalanib kelib, Qiziltepa tuman elektr ta’minoti korxonasi manfaatlariga jami 6 218 940 so‘mlik moddiy zarar yetkazganligi aniqlangan.
Aniq.uz saytining ishonchli manbasi xabariga ko‘ra, o‘z harakatlarini noqonuniy ekanligini tushungan R.G‘. 24.12.2018 yilda Qiziltepa tuman elektr ta’minoti korxonasi manfaatlariga yetkazilgan 6 218 940 so‘m zararni to‘liq qoplagan.
To‘plangan hujjatlar yuzasidan 26.12.2018 yilda R.G‘.ga nisbatan MJtKning 101-moddasi bilan eng kam oylik ish haqining 5 barobari ya’ni, 1 013 650 so‘m miqdorida jarima qo‘llanilib, qo‘llanilgan jarima summasi to‘liq undirilishi ta’minlandi.