5 yanvar kuni Tojikiston bilan chegaradosh Botken viloyatining Laylak tumanidagi Arka-2 qishlog‘idagi turar joy binolaridan birida noma’lum portlovchi qurilma portlab ketdi.
Qirg‘iziston Respublikasi Milliy xavfsizlik davlat qo‘mitasi Chegara xizmatining dastlabki ma’lumotlariga ko‘ra, portlashga uy egasi tomonidan eski qurilish materiallari orasidan topilgan snaryad sabab bo‘lgan. Portlash natijasida ayol va uning yaqinida bo‘lgan o‘n ikki yoshli qizi jarohat olgan. Qayd etilishicha, 2022 yilda ularning uyi otishma natijasida yonib ketgan.
Hozirda jabrlanganlar shifoxonada va ularga zarur tibbiy yordam ko‘rsatildi. Ularning salomatlik holati barqaror deb baholanmoqda.
Voqea joyida huquq-tartibot idoralari xodimlari ish olib bormoqda, hodisa sabablari aniqlanmoqda.
— Bundan tashqari, shu kunning o‘zida Qirg‘iziston Respublikasi va Tojikiston Respublikasi huquq-tartibot idoralari vakillari o‘rtasida uchrashuv bo‘lib o‘tdi va unda Tojikiston tomoni voqea yuzasidan xabardor qilindi. Qirg‘iziston Respublikasi Milliy xavfsizlik davlat qo‘mitasi Chegara xizmati chegara hududlari aholisini ogoh bo‘lishga, ular topgan shubhali narsalarga tegmaslikka, zudlik bilan chegara bo‘linmalari yoki huquq-tartibot idoralariga xabar berishga chaqiradi, — deyiladi xabarda.
Jahon IQ reytingi: eng aqlli insonlar qaysi davlatlarda yashaydi? O‘zbekiston nechanchi o‘rinda?
Alisher Qodirov Qonunga qarshi ovoz bergan hamkasblariga murojaat qildi: “Iste’molchining 3 tadan 2 tasi yoshlar. Yarmi qizlar”
Yana bir yirik davlat BRIKS a’zosiga aylandi
