Qirg‘izistonda sel tufayli mingga yaqin odam xavfsiz joyga ko‘chirildi

Qirg‘izistonda kuchli yomg‘irdan keyin hosil bo‘lgan sel oqimi tufayli mingga yaqin odam evakuasiya qilindi.

Bu haqda mamlakat Favqulodda vaziyatlar vazirligi ma’lum qildi.

“Botken viloyatining Qadamjoy tumanida seldan keyin 1 mingga yaqin mahalliy aholi evakuasiya qilindi”, deyiladi xabarda.

Tabiiy ofat oqibatlarini bartaraf etish uchun mahalliy aholiga yordam ko‘rsatish uchun Favqulodda vaziyatlar vazirligining alohida qidiruv-qutqaruv guruhi mutaxassislari, shuningdek, og‘ir texnika va tibbiyot xodimlari favqulodda holat hududiga jo‘natildi.

Respublika Favqulodda vaziyatlar vazirligi boshlig‘i Boobek Ajikeev topshirig‘iga ko‘ra vazirlikning Aholi va hududlarni muhofaza qilish boshqarmasi boshlig‘i Asan Sulaymonov Favqulodda vaziyatlar vazirligi tegishli xizmatlar faoliyatini muvofiqlashtirish uchun Botken viloyatiga yuborildi.

Kuchli yomg‘irdan keyin Botken viloyatidagi tog‘lardan sel keldi. Halok bo‘lganlar va jarohatlanganlar yo‘q, deb xabar beradi report.az.