Qatarning Rossiya iqtisodiyotiga kiritgan sarmoyasi 13 milliard dollarga yetdi, dedi amir Tamim bin Hamad al-Tani. Monarx Ostonada SHHT sammiti doirasida Rossiya prezidenti Vladimir Putin bilan uchrashdi.
«Qatarning Rossiya iqtisodiyoti va Rossiya loyihalariga kiritgan sarmoyalari hajmi qariyb 13 milliard dollarni tashkil etadi. Bu ko‘rsatkichni yanada oshirish niyatidamiz. Kecha biz siz bilan Rossiya iqtisodiyotiga sarmoya kiritish imkoniyatlari haqida suhbatlashdik», — deya amir so‘zlarini keltirgan RIA Novosti.
Shu fonda Rossiyaning Qatardagi elchisi Dmitriy Dogadkinning aytishicha, amirlikning SHHTdagi muloqot bo‘yicha hamkori maqomi mamlakatning xalqaro vositachilik rolini, mas’uliyatli o‘yinchisi va dunyo tinchligi tarafdori ekanligini ta’kidlaydi. Elchi Qatarning Ukraina va Rossiya o‘rtasidagi almashinuv bitimlariga qo‘shgan hissasini qayd etdi va Ukrainadagi urushga «muvozanatli yondashuv»ni olqishladi.