NATO bosh kotibi Yens Stoltenberg Qatar mazkur tashkilot a’zoligiga qabul qilinmasligini ma’lum qildi, deya xabar bermoqda "azon.uz".
“Shimoliy Atlantika shartnomasi tashkiloti – Yevropa va Shimoliy Amerika mamlakatlari uchun mo‘ljallangan tashkilot, nizomimizda shunday yozilgan”, – dedi Stoltenberg. Ayni payta u Qatarni NATOning mintaqadagi muhim hamkori deb atadi.
Avvalroq Qatar mudofaa vaziri Xolid bin Muhammad al-Atiyya NATOga a’zo bo‘lish mamlakatining uzoq muddatli strategiyasi ekanini ta’kidlab, Qatar o‘z hududida NATOning ixtisoslashtirilgan markazlaridan birini joylashtirishga qodir ekanini aytgan edi.