Qashqadaryolik 98 yoshli o‘qituvchi "Mehnat shuhrati" ordeni bilan mukofotlandi, deya xabar berdi viloyatning Koson tumani hokimligi.
O‘qituvchi va murabbiylar kuni munosabati bilan bir guruh o‘qituvchilar prezidentning tegishli farmoniga muvofiq davlat mukofotlari bilan taqdirlandi.
Ular orasida Koson tumanidagi 24-umumiy o‘rta ta’lim maktabining matematika fani o‘qituvchisi Egamshukur Abdiyev ham bor.
“Butun hayotini ta’lim sohasiga bahsh etgan 98 yoshli Egamshukur ota "Mehnat shuhrati" ordeni bilan mukofotlandi. Egamshukur ota hozir maktabda matematika fanidan dars berib kelmoqda”, — deyiladi xabarda.
