Joriy yilning 21 noyabr kuni Jizzax viloyatining Arnasoy tumanida yashovchi E.R. IIBga murojaat qilib, shu yil 23 oktyabr kuni noma’lum shaxs “Sangzor” fermer xo‘jaligi dala maydonida qarovsiz qoldirilgan 2 bosh qoramollarini o‘g‘irlab ketganligini ma’lum qilgan.
O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasining yozishicha, ko‘rilgan choralar natijasida ushbu jinoyatni Qashqadaryo viloyati Koson tumanida yashovchilar A.E. va E.R.lar sodir etganliklari aniqlanib ushlanganlar. Holat yuzasidan jinoyat ishi qo‘zg‘atilib, tergov harakatlari olib borilmoqda.