"Qamchiq" dovonida yonib ketgan yuk avtomobili haqida ma’lumot berildi (FOTO)

O‘zbekiston Respublikasi IIV YHXBB Axborot xizmati "Qamchiq" dovonida yuk avtomobilida yuzaga kelgan yong‘in haqida ma’lumot berdi. 

Dastlabki ma’lumotlarga ko‘ra, joriy yilning 16 yanvar kuni soat 15:50larda, Namangan viloyati, Pop tumani hududidan o‘tgan A 373 "Toshkent-O‘sh" avtomobil yo‘lining 252-kilometrida, haydovchi, 1985 yilda tug‘ilgan S.S. boshqaruvidagi "Mercedes-Benz" rusumli yuk avtomobilining dvigatel qismida qisqa tutashuv oqibatida yong‘in yuzaga kelgan.

Namangan viloyati IIB YHXB

Yong‘in natijasida tan jarohati olganlar yo‘q. Yong‘in o‘t o‘chiruvchilar tomonidan bartaraf etilgan.

Mazkur hodisa yuzasidan Pop tumani IIB YHXB va FVB tomonidan surishtiruv ishlari olib borilib, yong‘in sodir bo‘lish sabablariga aniqlik kiritilmoqda.