2020 yil 3 iyul soat 0634larda “Qamchiq” qutqaruv otryadi dispetcheriga kelib tushgan ma’lumotga ko‘ra, A-373 “Toshkent-O‘sh” avtomobil yo‘lining 223 km da “Toshkent-Vodiy” yo‘nalishida harakatlangan “Nexia” rusumli d/r 40 B 093 GA bo‘lgan transport vositasi haydovchisi boshqaruvni yo‘qotib, shu yo‘nalishdagi old tomonda harakatlanib ketayotgan “DAF” rusumli d/r 90 B 796 LA bo‘lgan yuk mashinasining orqasidan kelib, to‘qnashuv sodir etgan.
Sodir bo‘lgan yo‘l-transport hodisasi oqibatida “Nexia” rusumli avtomashina haydovchisi va yo‘lovchi o‘rta darajadagi tan jarohati olishgan.
Voqea joyiga zudlik bilan kichik serjant M.Boychayev boshchiligida 3 nafar qutqaruvchi yetib borib, yo‘l-patrul xizmati, tez-tibbiy yordam xizmati xodimlari bilan hamkorlikda tan jarohati olgan haydovchi va yo‘lovchiga birinchi yordam ko‘rsatishgan.
Jabrlanuvchilar Angren shahar markaziy shifoxonasiga yuborilgan.
Qutqaruvchilarimiz tomonidan o‘z vaqtida ko‘rsatilgan birinchi yordam natijasida 2 nafar fuqaroning hayoti saqlab qolindi.