Ijtimoiy tarmoqlarda Qashqadaryo viloyati, Qamashi tumani, Chim MFYga qarashli Qo‘shkapa qishlog‘idagi ko‘prik ancha paytdan beri yaroqsiz ahvolda ekani haqida xabarlar tarqaldi.
Qashqadaryo viloyat hokimi o‘rinbosari Sirojiddin Azizov va tuman hokimi Sherali Sanayev hamda o‘rinbosarlari muammoni o‘rgandi. Ma’lum bo‘lishicha, ko‘prikni ta’mirlashga 1 milliard so‘m ajratiladi.
Mas’ullarining ma’lumot berishicha, ko‘prik ta’miri uchun qariyb 1 milliard so‘m mablag‘ kerak bo‘ladi. Ushbu mablag‘ning 400 millionini viloyat hokimi Zafar Ro‘ziyev ajratishini ma’lum qilgan.Loyihalash va xarajatlar smetasini tasdiqlash ishlari boshlandi. Yaqin kunlarda (joriy yilning 1oktyabriga qadar) qurilish-ta’mirlash ishlari boshlanadi.