Yunusobod tumani huquqni muhofaza qilish organlariga 54 yoshli Muxtabar I. murojaat qilib, 25 iyul kuni «Minor» qabristoni yaqinida marmardan qabr toshi yasab berishni va’da qilgan 31 yoshli Farg‘ona viloyatilik Boburjon U.ga nisbatan chora ko‘rishni so‘radi.
Toshkent shahar IIBBga ko‘ra, o‘z xizmati uchun Boburjon U. Muxtabardan 7.500.000 so‘m olgan. Ammo ishni bajarmasdan, pullarni o‘z ehtiyojiga sarflab yuborgan.
Mazkur fakt asosida O‘zbekiston Respublikasi Jinoyat kodeksining 168-moddasi («Firibgarlik») bo‘yicha jinoiy ish qo‘zg‘atildi. Boburjon U. qo‘lga olindi, tergov davom etmoqda.