Armaniston bosh vaziri Nikol Pashinyan va Rossiya prezidenti Vladimir Putin o‘rtasida Kremlda bo‘lib o‘tgan muzokaralar chog‘ida rossiyalik chegarachilar Zvartnos aeroportida xizmat qilmasligi to‘g‘risida kelishuvga erishildi, deya xabar bermoqda Armaniston telegram kanallari.
Bundan tashqari, rossiyalik harbiylar 2020 yilda 44 kunlik urushdan so‘ng og‘zaki kelishuv asosida joylashgan Syunik, Vayots-Dzor, Gegarkunik, Ararat, Tavushdagi punktlarini tark etishlari xabar qilingan.
Rossiya prezidenti Vladimir Putin va Armaniston bosh vaziri Nikol Pashinyan o‘rtasidagi muzokaralar Kremlda bir soatdan ko‘proq davom etdi, deb xabar beradi Rossiya matbuoti.
Pashinyan va Putin YEOII yubiley sammitidan so‘ng ikki tomonlama uchrashuv o‘tkazdi.
Uchrashuv avvalida Putin munosabatlarning barcha spektrini, jumladan, mintaqadagi xavfsizlikni ham muhokama qilishni taklif qildi. Uning ta’kidlashicha, Rossiya va Armaniston o‘rtasidagi munosabatlar muvaffaqiyatli rivojlanib, tovar ayirboshlash o‘smoqda.
«Ikki tomonlama munosabatlarga kelsak, ular ham juda muvaffaqiyatli rivojlanmoqda», dedi Putin.
Xususan, Putinning so‘zlariga ko‘ra, «o‘tgan yil davomida savdo aylanmasining o‘sishi juda katta miqdorni tashkil etgan».
«Albatta, nafaqat savdo aylanmasining o‘sishi bilan bog‘liq, balki mintaqada xavfsizlik bilan bog‘liq masalalar ham bor», — deya davom etdi Rossiya prezidenti.
Putin matbuot oldida bu masalalarga aniqlik kiritmadi va ularni YEOII sammiti doirasida muhokama qilish imkoniyati mavjudligini ta’kidladi.
Shu bilan birga, Kreml Putinning Pashinyan bilan uchrashuviga optimistik munosabatdadir. «Suhbatning murakkabligini oshirib yuborishning hojati yo‘q. Albatta, ikki tomonlama munosabatlarimizda muayyan muammoli mavzular bor», — dedi Rossiya prezidenti matbuot kotibi Dmitriy Peskov.
O‘g‘ri bojxonachilar 26 tonna oltin bilan qo‘lga tushdi
Germaniya va Shvesiya harbiy hamkorlikni kuchaytirmoqchi
Qodirov Estoniyaga raketa hujumlarini uyushtirishga chaqirmoqda
