Bugun 21 noyabr, 2026 yil, shanba

КИР

Putin Stalin izidan bormoqda – BILD

A A A
Putin Stalin izidan bormoqda – BILD

Putin Ukrainada oziq-ovqat mahsulotlarini yo‘q qilish uchun Stalin usullaridan foydalanmoqda. BILD harbiy tahlilchisi Yulian Ryopke Odessa viloyati janubidagi daryo portlariga bugungi hujumni shunday izohladi. Bu haqda u Twitter'dagi sahifasida yozgan.

“Rossiya Ukrainaning oziq-ovqat infratuzilmasiga muntazam ravishda hujum qilishda davom etmoqda. Kecha u yana donni yo‘q qilishni maqsad qilib, mamlakat janubi-g‘arbidagi portga hujum qildi. Putin o‘zining mashhur “Qizil terror”i bilan Stalin izidan bormoqda”, — deb yozadi Ryopke.

Eslatib o‘tamiz, 24-iyulga o‘tar kechasi Rossiya harbiylari Odessa viloyatiga navbatdagi zarbani berdi. Ukraina Qurolli kuchlarining “Janubiy” operativ qo‘mondonligi ma’lumotlariga ko‘ra, Dunay port infratuzilmasi Shahed-136 kamikadze-dronlarining to‘rt soatlik hujumi nishoniga aylangan. Ukraina havo hujumidan mudofaa kuchlari uchta dronni urib tushirishga muvaffaq bo‘ldi. Zarbalar natijasida donli angar vayron bo‘lgan. Ishlab chiqarish binolaridan birida yong‘in sodir bo‘lgan.

Kiritildi: 16:56 24.07.2023. O'qildi: 3761 marta. Fikrlar soni: 0 ta.
telegram channel

Eng ko'p o'qilgan yangilik