Rossiya prezidentining matbuot kotibi Dmitriy Peskov "Vladimir Putin bunkeri" masalasidagi mish-mishlarga oydinlik kiritdi, deb xabar bermoqda "Komsomolskaya Pravda".
Kreml vakilining so‘zlariga ko‘ra, Putin singari faol davlat rahbari hech qanday bunkerda o‘tira olmaydi. "Bu mutlaqo bema’nilik", – dedi Peskov.
13 dekabr kuni Peskovning ta’kidlashicha, koronavirus pandemiyasi paytida Putin Novo-Ogarevodagi qarorgohida yashagan va ishlagan. Uning so‘zlariga ko‘ra, davlat rahbari "ko‘pincha u yerda ishlaydi, u yerdan Kremlga keladi, u yerdan xohlaganicha emas, lekin baribir xizmat safarlariga uchadi".
U prezident mamlakatni bunkerdan boshqarayotgani haqidagi mish-mishlarni rad etdi.
