Россия президентининг матбуот котиби Дмитрий Песков "Владимир Путин бункери" масаласидаги миш-мишларга ойдинлик киритди, деб хабар бермоқда "Комсомолская Правда".
Кремл вакилининг сўзларига кўра, Путин сингари фаол давлат раҳбари ҳеч қандай бункерда ўтира олмайди. "Бу мутлақо бемаънилик", – деди Песков.
13 декабрь куни Песковнинг таъкидлашича, коронавирус пандемияси пайтида Путин Ново-Огареводаги қароргоҳида яшаган ва ишлаган. Унинг сўзларига кўра, давлат раҳбари "кўпинча у ерда ишлайди, у ердан Кремлга келади, у ердан хоҳлаганича эмас, лекин барибир хизмат сафарларига учади".
У президент мамлакатни бункердан бошқараётгани ҳақидаги миш-мишларни рад этди.
