Turkmaniston prezidenti Gurbanguli Berdimuhamedov «Amul-Xazar» rallisiga tayyorgarlik doirasida sahroda mashg‘ulot o‘tkazdi. Prezidentning sinov yurishi tasvirlangan videoyozuv «Xronika Turkmenistana» tomonidan e’lon qilindi.
TDX axborot agentligining bildirishicha, mashg‘ulot Qoraqum sahrosida o‘tkazilgan. Berdimuhamedov sahroda sinovdan o‘tkazgan ralli avtomobili prezidentning o‘zi tomonidan loyihalangan va yig‘ilgan.
Sinov vaqtida mashina qumga tiqilib qoldi, ammo Turkmaniston rahbari abjirlik bilan mashina g‘ildiraklari ostiga qurigan shox-shabbalardan tashlab, qum «changali»dan chiqa oldi va yo‘lida davom etdi.
«Amul-Xazar 2018» xalqaro avtorallisi 9-14 sentyabr kunlari Turkmanistonda bo‘lib o‘tadi.
Iyun oyida Turkmaniston prezidenti o‘z chizmalari asosida poyga mashinasini yig‘di, bir oy ilgari esa ralli avtomobillari poygasida qatnashib navbatdagi g‘alabasiga erishdi — u 2015 yil avgustda «Alfa-Romeo-2015» musobaqalarida g‘alaba qozongandi.
Manba: zamin.uz
Stoltenberg: “Agar Ukraina urushda yutqazsa..."
O‘g‘ri bojxonachilar 26 tonna oltin bilan qo‘lga tushdi
Armaniston shu yilning o‘zidayoq Yevropa Ittifoqiga kirishga tayyor
