Prezident administrasiyasi va hukumatga ochiqlikka oid farmon talablarini bajarmayotgan hokimliklar haqida ma’lumot kiritildi

Korrupsiyaga qarshi kurashish agentligi o‘tkazgan monitoring natijalariga ko‘ra, Toshkent shahar va Andijon viloyati hokimliklari tomonidan mahalliy byudjet daromadlarining orttirilgan qismi va ularning yo‘naltirilishiga doir ma’lumotlar ochiqlanmay kelinmoqda.

Korrupsiyaga qarshi kurashish agentligi qonunchilik hujjatlarida belgilangan talablarga qat’iy rioya etilishini nazoratga olish bo‘yicha 8 ta mahalliy hokimlikka ogohlantirish yuborib, Prezident administrasiyasi va Vazirlar Mahkamasiga aniqlangan holatlar yuzasidan tegishli ma’lumotlar kiritgan.