Londonlik 61 yoshli Metyu Lins og‘ir judolikka uchradi.
Yakshanba kuni u 15 yoshli qizi va 19 yoshli o‘g‘li Deniyel bilan birga Kolombodagi Shangri-La mehmonxonasi restoraniga nonushta qilish uchun keladi. Buni qarangki, oradan hech qancha vaqt o‘tmay aynan shu yerda portlash sodir bo‘ladi. Ota ikki o‘t orasida qoladi: yo qizi, yog‘i o‘g‘lini qutqarishi kerak, qaysi biriga birinchi yordam ko‘rsatishni bilmaydi. Keyin esa o‘sha yerdagi ayollardan biri qiziga yordam berishini aytgach, ahvoli og‘irroq bo‘lgan o‘g‘lini ko‘targancha kasalxonaga shoshiladi.
Metyu behush o‘g‘lini o‘ziga keltirishga urinadi, ammo bu samara bermaydi. Afsuski, o‘g‘li kasalxonada vafot etadi.
Shundan so‘ng taqdirga tan bergan ota portlash sodir bo‘lgan joyga qaytib, qizini topa olmaydi. Keyin esa qizi ham o‘g‘li kabi halok bo‘lganini anglaydi. O‘g‘lini qutqarishga shoshilib, qizini tashlab ketgan ota yakunda ikkala farzandidan ham judo bo‘ldi.
Ma’lumot uchun, Shri-Lankadagi portlash oqibatida 321 nafar inson halok bo‘ldi, 520 dan ortig‘i esa jarohatlandi.
Stoltenberg: “Agar Ukraina urushda yutqazsa..."
O‘g‘ri bojxonachilar 26 tonna oltin bilan qo‘lga tushdi
Amerikaliklar Putin nima uchun Shoyguni almashtirganini tushuntirdi
