Pokiston delegasiyasi AQSh maktubi bilan Eronga yo‘l oldi

Amerika Qo‘shma Shtatlari va Eron o‘rtasidagi muzokaralar yaqin kunlarda Islomobodda bo‘lib o‘tishi mumkin, deb xabar bermoqda IRIB.

Eron davlat teleradiokompaniyasining ma’lum qilishicha, Pokistonning yuqori martabali delegasiyasi AQShning maktubini yetkazish va muzokaralarning ikkinchi raundiga tayyorgarlikni muhokama qilish uchun Islom Respublikasiga yo‘l olmoqda.

«Pokiston manbalari va ommaviy axborot vositalarining ta’kidlashicha, tomonlar yaqin kunlarda Islomobodda o‘tkazilishi kutilayotgan muzokaralarning ikkinchi raundi bilan bog‘liq masalalarni ko‘rib chiqadilar», — deyiladi nashrda.