Pedagogikaning 6 yo‘nalishida oliy ta’lim muddati 3 yil bo‘ladi

Pedagogik oliy ta’lim muassasalarida 6 ta ta’lim yo‘nalishi bo‘yicha o‘qish muddati uch yil etib belgilanadi. Bu haqda Oliy va o‘rta maxsus ta’lim vazirligi kanalida ma’lum qilindi.

Unga ko‘ra 2020/2021 o‘quv yilidan boshlab kadrlar tayyorlash o‘qish muddati uch yil bo‘lgan bakalavriat ta’lim dasturlari asosida amalga oshiriladigan pedagogik ta’lim sohasining ta’lim yo‘nalishlari quyidagilar etib belgilangan:

— Musiqa ta’limi;

— Jismoniy madaniyat;

— Texnologik ta’lim;

— Chaqiriqqacha harbiy ta’lim;

— Tasviriy san’at va muhandislik grafikasi;

— Maktabgacha va boshlang‘ich ta’limda jismoniy tarbiya va sport.