Amerikaning Patriot havo hujumidan mudofaa tizimlarini Ukrainaga topshirish masalasi hozirda NATO uchun ustuvor masala, dedi Alyans bosh kotibi Yens Stoltenberg.
«Bizning ustuvor vazifamiz - Patriot'ni topshirish», dedi u Kiyevga tashrifi chog‘ida prezident Zelenskiy bilan bo‘lgan brifingda.
NATO Bosh kotibi Ukrainaga nafaqat Patriot, balki boshqa tizimlar, masalan, NASAMS ham kerakligini ta’kidladi. «Qatlamli havo mudofaa tizimi talab qilinadi», dedi Stoltenberg.
Prezident Zelenskiy, o‘z navbatida, g‘arblik hamkorlardan Patriot tizimlari uchun raketalarni yetkazib berish jarayonida hech qanday kechikishlar bo‘lmasligiga kafolat olganini aytdi.
«Patriot'larga berilgan raketalar soniga kelsak, biz haqiqatan ham bu borada ijobiy narsalarni kutmoqdamiz. Xudoga shukurki, Ukraina-NATO kengashi yig‘ilishi chaqirilgandan so‘ng biz [Patriot raketalarini yetkazib berish] jarayonida hech qanday kechikishlar bo‘lmasligiga ishonch hosil qildik», — dedi Zelenskiy.
Ukrainaga qo‘shimcha Patriot tizimlarini yetkazib berish borasida Zelenskiy «hamkorlardan kutayotgan aniq ma’lumotlar hozircha yo‘q», dedi. «Birinchi qadamlar bor», deya qo‘shimcha qildi u.
Dronlar Rossiyaning eng yirik neftni qayta ishlash zavodiga hujum qildi
Ukraina Rossiyani «qurollantirmoqda»
Rossiyadagi tojiklarga mehnat patenti berilmaydi
