Bu Parkent tuman prokuraturasi tomonidan byudjet va byudjetdan tashqari mablag‘larni sarflanishi yuzasidan o‘tkazilgan tekshiruvda aniqlandi.
Parkent tumani tibbiyot birlashmasi mansabdor shaxslari 2019−2020 moliya yilida byudjet va smeta-shtat intizomini 1 mlrd 193 mln 205 ming so‘m miqdorda buzgani, shuningdek, 1 mlrd 511 mln 123 ming so‘mni talon-toroj qilgani aytilmoqda.
«Mazkur holatlar 36 nafar tuman tibbiyot birlashmasi xodimlari va ishga aloqador guvohlarning ko‘rsatmalarida bayon etilgan. Bundan tashqari, sohtalashtirib, noto‘g‘ri ma’lumotlar kiritilgan tabellar, shtat-smeta hujjatlari va boshqa dalillar ish hujjatlariga qo‘shilgan», — deyiladi Toshkent viloyati prokuraturasi xabarida.
Ayblanuvchilarga «qamoq», «uy qamog‘i» va «garov» ehtiyot choralari qo‘llanilgan. Prokuratura ishni sudga oshirdi.