Pandemiya davrida maktablar eng uzoq vaqt yopilgan mamlakatlarni bilasizmi?

COVID-19 butun dunyo bo‘ylab ta’lim sohasiga ham sezilarli darajada zarba berdi.

UNICEF hisob-kitoblariga ko‘ra, pandemiya ta’sirida daromadi past va o‘rta bo‘lgan mamlakatlarda 10 yoshgacha o‘qishni bilmaydigan bolalar ulushi 50 foizdan 70 foizgacha oshdi. Shuningdek, resurslar kamligi tufayli past va o‘rta darajada rivojlangan mamlakatlarda masofaviy ta’lim sifati pastligi sababli pandemiya global ta’limdagi tengsizlikni kuchaytirgani ma’lum qilindi.

Uganda pandemiya davrida maktablar eng uzoq vaqt yopilgan mamlakatdir. Mamlakatda maktablar 2020 yil 20 martdan 2021 yil 14-oktabrgacha 60 hafta davomida to‘liq yopilgan va shundan beri qisman qayta ochilgan. Hindiston va Nepaldagi maktablarning yopilishi ham 2021 yil 31-oktabr holatiga ko‘ra dunyodagi eng uzun ta’til berilgan maktablar qatoriga kirdi, ammo bu mamlakatlarda to‘liq yopilish muddati qisqaroq.

Shuningdek, Gonduras, Panama, Salvador kabi davlatlarda ham maktablar eng uzoq vaqt yopilgan.