O‘zbekistonda o‘tkazilishi kutilayotgan «Ovoz» (The Voice franshizasi) loyihasi tashkilotchilari uchun gonorarga byudjetdan salkam 2 mlrd. so‘m ajratilgan.
Masalan, teleloyihada qatnashuvchilarning ustozlari (3 kishi, Farrux Zokirov, Sevara Nazarxon va Tohir Sodiqov) uchun oyiga 38 mln. so‘mdan 6 oy davomida (684 mln. so‘m) gonorar yozilgan.
6 nafar sozandaga 14,5 mln. so‘mdan 6 oy davomida 522 mln. so‘m, musiqa direktori uchun 38 mln. so‘mdan 6 oy davomida 228 mln. so‘m ajratilgan. Eng ko‘p gonorar badiiy rahbarga belgilangan: 57 mln. so‘mdan 6 oyda 342 mln. so‘m.