“Open budget”ning yangi mavsumi qachon boshlanishi ma’lum bo‘ldi

2025 yil uchun Ochiq byudjet loyihalari taqvimi tasdiqlandi. Bu haqida Iqtisodiyot va moliya vazirligi xabar berdi.
Ma’lum qilinishicha, yanvar oyida 2024-2025 o‘quv yili uchun “Mening maktabim” loyihasi bo‘lib o‘tadi. Ovoz berish 13-17 yanvar kunlari o‘tkaziladi.

Loyihaning 2025-2026 o‘quv yili uchun mavsumi oktyabr oyiga mo‘ljallangan. Loyihalarni kiritish 1-10 oktyabrda, ovoz berish esa 21-30 oktyabr kunlari bo‘ladi.

Tashabbusli byudjetning birinchi mavsumiga esa 1 fevral kuni start beriladi. Birinchi mavsum g‘oliblari 21 mart kuni e’lon qilinadi. Birinchi mavsum 48 kun davom etadi.

Tashabbusli byudjetning ikkinchi mavsumi 15 iyulda boshlanadi va 30 kun davom etadi. Ikkinchi mavsum g‘oliblari 1 sentyabr kuni e’lon qilinishi belgilangan.
“Mening bog‘cham” loyihasi esa 1-10 iyun kunlari o‘tkaziladi.