Nur-Sultonda qahvaxonada portlash. Bir qiz halok bo‘lgan

Nur-Sultondagi taniqli kafelardan birida gaz balloni portlashi sodir bo‘ldi, deb xabar bermoqda Tengrinews.kz.

Xabarga ko‘ra, 21 noyabr kuni soat 12.25da qahvaxonaga moslashtirilgan kottejda gaz balloni portlashi sodir bo‘lgan.

Voqea joyiga yetib kelgan o‘t o‘chiruvchilarning ma’lumot berishicha, kottejda bir qiz va 15 dona gaz balloni bo‘lgan.

Portlash natijasida oshxonaning tom qismi o‘pirilib tushgan.

Dastlabki ma’lumotlarga ko‘ra, vayronalar ostida qolgan qiz kasalxonada vafot etgan.