Norvegiya, Shvesiya va Finlyandiya qo‘shin va texnikalarning tezkor harakatlanishini ta’minlash uchun o‘z hududlarining shimoliy qismlari orqali harbiy transport yo‘lagi yaratishga kelishib oldi.
Bu haqda Norvegiya bosh vaziri Yonas Gar Styore ma’lum qildi.
Avvalroq Telegraph gazetasi manbalariga tayangan holda “transport yo‘laklari” rivojlantirilishi haqida xabar bergan edi. Ushbu hisobotga ko‘ra, NATO Yevropada Rossiya bilan yirik urush sodir bo‘lgan taqdirda Amerika askarlari va zirhli texnikalarini tezda frontga olib chiqish uchun bir nechta “transport yo‘laklari”ni tashkil ustida ishlamoqda.