Netanyaxu: "Isroil qiruvchi samolyotlari "tez orada" Eron osmonida uchadi"

Isroil Bosh vaziri Benyamin Netanyaxu keskin bayonot berib, Isroil havo kuchlari "yaqin kelajakda" Tehron osmonida paydo bo‘lishi bilan tahdid qildi. Bu haqda u bosh vazirlik idorasi tomonidan e’lon qilingan videomurojaatda ma’lum qildi.

Netanyaxu Eronni Isroilni yo‘q qilishga urinayotganlikda aybladi va tahdidning ikkita asosiy omili - yadroviy qurol va raketalarni nomladi. Uning aytishicha, Isroil hujumga "bir qadam qolgan" va armiya Eron ob’ektlariga allaqachon jiddiy zarbalar berganini ta’kidlagan.

"Biz Natanzni vayron qildik. Uranni boyitish markaziga og‘ir zarba berdik. Agar kerak bo‘lsa, ko‘proq ish qilamiz", - dedi Netanyaxu Eronning asosiy yadroviy inshootlaridan biriga ishora qilib.

U, shuningdek, hujumlar Eron yadro inshootlari va olimlarini nishonga olganini, uning so‘zlariga ko‘ra, uranni boyitish jarayonida Eronni “ortga qaytaradi”. Ikkinchi tahdid - raketalar haqida gapirar ekan, Netanyaxu Eronning raketa kuchining oqibatlari kecha tunda yaqqol ko‘rinib turganini va Isroil allaqachon Eron raketalari va ishlab chiqarish ob’ektlarini yo‘q qila boshlaganini aytdi.

"Biz Eronga 20 mingta raketa ishlab chiqarishiga yo‘l qo‘ymaymiz. Shuning uchun biz ularning ishlab chiqarish liniyalarini yo‘q qila boshladik va Isroil armiyasi buni hozir qilmoqda", - dedi u.

Bosh vazir nutqini shunday yakunladi: "Biz Tehronga yo‘l ochdik. Tez orada qiruvchi samolyotlarimiz Eron poytaxti osmonida uchadi. Eron rejimiga tegishli har qanday nishon yo‘q qilinadi".