BAAning Dubay shahrida bo‘lib o‘tadigan EXPO 2020 xalqaro ko‘rgazmasida Isroil ham qatnashadi. Bu haqda Isroil bosh vaziri Binyamin Netanyahu ma’lum qildi, deya xabar bermoqda “Anadolu”.
Uning fikriga ko‘ra, Isroilning mazkur ko‘rgazmada ishtirok etishi uning arab davlatlari bilan aloqalari yaxshilanib borayotganining bir belgisidir. Shuningdek, bosh vazir Isroil kamida oltita arab davlati bilan yaqin aloqada ekanini ta’kidladi.
Dubaydagi xalqaro ko‘rgazma 2020 yilning 20 oktyabrida boshlanadi va 2021 yilning 10 apreliga qadar davom etadi. Unda Isroilning sog‘liqni saqlash, axborot va suv texnologiyalari sohalarida faoliyat ko‘rsatadigan kompaniyalari qatnashishi rejalashtirilgan.
Isroil va BAA o‘rtasida diplomatik aloqalar o‘rnatilmagan bo‘lsa-da, munosabatlar iliqlashib borayotganini aytish mumkin. Oxirgi vaqtlarda isroilliklar BAAda o‘tkazilayotgan sport musobaqalari va xalqaro anjumanlarda ishtirok etib kelmoqda.
Rossiya Hindistondan pulini ololmadi
Urush tadqiqotlari instituti Rossiyaning yadro quroli imkoniyatlarini baholadi
Shveysariya Rim papasini Ukrainada tinchlik o‘rnatish bo‘yicha konferensiyaga taklif qildi
