Neft bozorlari Isroilning Erondagi neft inshootlariga javob zarbalari yo‘llashi ehtimolidan xavotirlanmoqda

Neft bozorlari Isroilning Erondagi neft inshootlariga javob zarbalari yo‘llashi ehtimolidan xavotirlanmoqda, bu narxlarning yanada ko‘tarilishiga olib kelishi mumkin.

1 oktyabr kuni Eron Isroilga qarshi yuzlab ballistik raketa uchirganidan so‘ng, jahon bozorida xom neft narxi ko‘tarildi. ICE birjasida Brent markali neft fyucherslari 2,9 foizga ko‘tarilib, bir barreli 73,56 dollarga yetdi. Nymex birjasida esa WTI markali neft fyucherslari 3,5 foizga o‘sib, bir barreli 70,92 dollarni tashkil etdi.

Eron neftining yarmini eksport qiladi, bu jahon taklifining taxminan 2 foizini tashkil etadi.

Bundan tashqari, Eron va Isroil o‘rtasidagi harbiy mojaroning kuchayishi AQSh tomonidan Eron nefti eksportiga nisbatan sanksiyalarning tiklanishiga olib kelishi mumkin, bu esa narxlarni yanada oshiradi.