Evropaning o‘z yadroviy to‘xtatuvchisi bo‘lishi kerakmi yoki yo‘qligini muhokama qilish NATOga putur etkazadi va hech qanday maqsadga xizmat qilmaydi. Bunday fikrni NATO bosh kotibi Yens Stoltenberg 60-Myunxen xavfsizlik konferensiyasi doirasida o‘tkazilgan panellardan birida bildirdi.
«NATO o‘nlab yillar davomida yadroviy jilovlashda rol o‘ynadi. Qo‘shma Shtatlar o‘zining Yevropadagi ittifoqchilariga shunday qilyapti. NATOning yadroviy to‘xtatib turishiga shubha qilish hech qanday foyda keltirmaydi. Bu haqiqatan ham ishonchli to‘xtatuvchi kuchga muhtoj bo‘lganimizda NATOga putur yetkazadi», dedi Bosh kotib.
Rossiya Federasiyasi va Ukraina o‘rtasidagi qurolli to‘qnashuv mavzusiga to‘xtalgan Stoltenberg, AQShdagi kelishmovchiliklarning Ukrainadagi front chizig‘iga ta’sir qilishini aytdi.
«Hammasi zo‘r demayman. Men yevropalik ittifoqchilar (mudofaa xarajatlarini oshirish nuqtai nazaridan) ko‘proq harakat qilishlari kerakligiga qo‘shilaman, lekin hech bo‘lmaganda biz to‘g‘ri yo‘ldamiz», — dedi bosh kotib.
Unga ko‘ra, Ukraina masalasida Yevropa davlatlari va Kanada AQShdan ko‘ra ko‘proq qo‘llab-quvvatlamoqda.
AQSh Kongressda zudlik bilan Ukrainaga yordam berish bo‘yicha kelishib olishi kerak, chunki bu hayotiy ahamiyatga ega, bu Ukrainadagi front chizig‘iga bevosita ta’sir qiladi, dedi Stoltenberg.
