«Nasaf»ning sobiq futbolchisi O‘zbekiston haqida: «Neft va gazning katta zaxirasi bor. Biroq mamlakatda kambag‘allar bor»

Qashqadaryoning “Nasaf” klubida to‘p surgan, hozirda “Paxtakor”da o‘ynayotgan legioner futbolchi Dragan Cheran xorij OAVsiga intervyu berdi.

Jurnalist bilan suhbat davomida futbolchi O‘zbekistonga ilk marta tashrifi, o‘zbek madaniyati, shaharlari va futbolchilari haqida gapirdi. Uning fikricha o‘zbek futbolchilari tez taslim bo‘lar ekan. Shuningdek, bu yerda xorijlik futbolchilar mahalliy futbolchilardan ancha ko‘p maosh oladi. U “Nasaf”da legionerlar 15-20 ming dollar oylik olganini aytdi.

Cheran o‘z intervyusida O‘zbekiston haqida ham gapirdi.

“Bu davlat paxta yetishtirish, oltin qazib olishda dunyoda yetakchi o‘rinlarda turadi. Ularda neft va gazning katta zaxirasi bor. Biroq mamlakatda kambag‘allar bor. Poytaxt - Toshkentda bu ko‘rinmaydi, chunki shahar Yevropaga intilmoqda. Ammo kichik shaharchalarda kambag‘allarni uchratish mumkin. Maosh 100-200 dollarni tashkil qiladi, odamlar bunga rozi. U yerda o‘rta daraja yo‘q”, – deydi legionar futbolchi.