Bugun 15 yanvar, 2021 yil, juma

КИР

Namanganlik o‘quvchi Buyuk Britaniya qirolichasidan maktub oldi

Namanganlik o‘quvchi Buyuk Britaniya qirolichasidan maktub oldi

Internet tarmog‘i bilan erishish mumkin bo‘lgan imkoniyatlar ko‘lami tobora ortib bormoqda. Buning yaqqol isbotini namanganlik o‘quvchining Buyuk Britaniya qirolichasi Yelizaveta II dan olgan maktubi misolida ham ko‘rish mumkin.

Azizbek Mirzaxolov Namangan shahridagi 33-sonli umumta’lim maktabining 11-sinfida tahsil oladi. Yosh, izlanuvchan o‘quvchi maktabdagi barcha fanlarni a’lo baholarga o‘qishi bilan birga ingliz tilini ham mukammal o‘zlashtirishga astoydil kirishgan. U o‘zining istiqboldagi rejalarini Angliyadagi oliy ta’lim muassasalari bilan bog‘lagan. 

Namanganlik o‘quvchi Buyuk Britaniya qirolichasidan maktub oldi

Qolaversa, uning mazkur mamlakat tarixi, madaniyati, Qirollikning o‘ziga xos jihatlari qiziqtiradi. Azizbek hozirga qadar juda ko‘p mashhur insonlarning dastxatlarini ham to‘plashga muvaffaq bo‘lgan. Azizbek yuborgan maktubida ham Britaniya tarixiga qiziqishi hamda Qirolichaning dastxatini olishi sharaf ekanini yozgan. Yosh, navqiron shu bilan birga o‘zi yashayotgan mamalakat tarixiga qiziqishi bor o‘zbekistonlik o‘quvchining maktubi Qirolichaning javob maktubi yuborishiga sabab bo‘lgan. 

Namanganlik o‘quvchi Buyuk Britaniya qirolichasidan maktub oldi

 Maktubda Qirolicha Yelizaveta II maktub olganidan minnatdorligi, yana shunday xatlarni kutib qolishini aytib, alohida minnatdorlik bildirgan. Dastxat o‘rnida esa Qirolichaning shaxsiy surati sovg‘a sifatida yuborilgan.

Namanganlik o‘quvchi Buyuk Britaniya qirolichasidan maktub oldi

Bu maktub nafaqat Azizbekni balki uning tengdoshlarini, ustozlari va yaqinlarini ham ruhlantirdi.

Kiritildi: 16:47 24.11.2020. O'qildi: 4953 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!