Yangiqo‘rg‘on tumanida "Namangan sharbati" MCHJ tomonidan qiymati 25 mln. dollarni tashkil etayotgan mevani qayta ishlash korxonasiga asos solinmoqda.
“Buloqboshi” mahallasi hududidagi 1,8 gektar yer maydonida barpo etiladigan mazkur korxona 80 ming tonna xo‘l mevani qayta ishlash quvvatiga ega.
Xitoy, Italiya va Germaniya davlatlaridan keltirilgan uskunalar bilan jihozlanadigan korxona mahsuloti Yevropa hamda MDH davlatlariga eksport qilinishi ko‘zda tutilgan.
Bugun Namangan viloyati hokimi Shavkatjon Abdurazzoqov boshchiligida tuman faollari, nuroniylari, jamoatchilik vakillari ishtirokida xayrli ish oldidan duoga qo‘l ochilib, mazkur korxona qurilishiga tamal toshi qo‘yildi.
Viloyat rahbari o‘z so‘zida yangi korxona nafaqat eksport hajmini ko‘paytirish, balki 300 ta yangi ish o‘rinlari barpo etilishi bilan ahamiyatli ekanligini ta’kidladi.