Belarus Markaziy saylov komissiyasi mamlakat prezidentligiga nomzodlarning daromadlari to‘g‘risidagi deklarasiyalarni e’lon qildi. Amaldagi davlat rahbari Aleksandr Lukashenkoning ko‘chmas mulki va avtomobillari mavjud emasligi ma’lum bo‘ldi.
Lukashenkoning deklarasiyasiga ko‘ra, u 2019 yilda ish haqi sifatida 117 ming Belarus rublidan (48 ming dollar) ko‘proq daromad olgan. Deklarasiyaning «ko‘chmas mulk (yashash uylari, yer uchastkalari, kvartiralar, garajlar va boshqa binolar, qurilmalar) qatoriga hamda «boshqa mulklar» qatoriga «yo‘q» belgisi qo‘yilgan.
Bundan tashqari, deklarasiyada Lukashenko hali ham Galina Radionovna Lukashenko bilan nikohda ekanligi ko‘rsatilgan.
Lukashenkoning rafiqasi Mogilev viloyati Shklov tumanidagi uy, yer uchastkasi va yana bir uyning yarmiga egalik qiladi. Bundan tashqari, unga Shklovdagi yog‘ ishlab chiqarish zavodining 56 dona aksiyasi tegishli.
Eslatib o‘tamiz, Belarusda prezidentlik saylovlari 9 avgust kuni bo‘lib o‘tadi.
Stoltenberg: “Agar Ukraina urushda yutqazsa..."
O‘g‘ri bojxonachilar 26 tonna oltin bilan qo‘lga tushdi
Amerikaliklar Putin nima uchun Shoyguni almashtirganini tushuntirdi
