2026 yilgi jahon chempionatining “K” guruhida O‘zbekiston milliy terma jamoasi bilan birga joy olgan Portugaliya futbolchilari o‘z oldiga katta maqsad qo‘ygan.
Jamoa yetakchilaridan Brunu Fernandesh mundial oldidan o‘z fikr-mulohazalari bilan o‘rtoqlashdi.
- Jahon chempionati biz uchun har doim alohida ahamiyatli turnir hisoblanadi. Biz o‘z mamlakatimizni himoya qilamiz. Bu faoliyatimizdagi eng muhim va yorqin lahzalardan biri.
Eng katta kuchimiz – jamoaviy birlik. Bu barchaga ko‘rinib turibdi va milliy jamoamiz uchun katta ustunlik hisoblanadi.
Asosiy maqsadimiz – jahon chempionatini yutish.
Finalga chiqib, u yerda istalgan raqibga qarshi o‘ynashning o‘zi ajoyib bo‘lar edi. Biz bu natijaga hali hech qachon erishmaganmiz. Bu haqiqiy orzu.
Men, eng avvalo, Portugaliyaning chempion bo‘lishini istayman, - dedi Brunu Fernandesh.
Portugaliya milliy terma jamoasi “JCH-2026”ning K guruhida O‘zbekiston milliy terma jamoasidan tashqari, Kolumbiya va Kongo demokratik Respublikasi vakillari bilan ham o‘ynaydi.
O‘zbek futbolchilarining o‘yindan keyin qilgan ishi kanadaliklarni hayratga soldi!
«Barselona» yulduz futbolchisidan ko‘ngli qoldi va uni sotishga qaror qildi
«Oltin to‘p»ga da’vogarlar: Goal JCh oldidan reytingini yangiladi
