Moldova hukumati bir qator davlatlar, jumladan, Rossiya aviakompaniyalarining parvozlariga taqiq joriy etishni rejalashtirmoqda. Respublika Infratuzilma va hududiy rivojlanish vazirligi bu boradagi tegishli qonun loyihasini tayyorladi.
Qayd etilishicha, qonun loyihasi jamoatchilik muhokamasiga qo‘yilgan va milliy qonunchilikni YEI normalariga muvofiqlashtirishga qaratilgan. Hujjatga muvofiq Rossiya, Armaniston, Afg‘oniston, Eron va boshqa qator davatlarning aviakompaniyalari Moldova havo makonida ishlash taqiqlangan aviatashuvchilar ro‘yxatiga kiritiladi.
Moldova Infratuzilma vazirligining ma’lum qilishicha, mazkur loyihaning asosiy maqsadi mamlakat qonunchiligini fuqarolik aviasiyasi sohasidagi xalqaro standartlarga moslashtirishdan iborat. Shu orqali hukumat havo transporti xavfsizligini oshirish va Moldova fuqarolarining huquqlarini himoya qilmoqchi.
Qonun qabul qilinsa, Rossiyaning «Avrora», «Aviastar-TU», «Ijavia», «Yakutiya», «RusJet», «YUVT Aero», «Sibir», Smartavia, «IrAero», «Uralskiye avialinii», «ALROSA», NordStar, «RusLayn», «Yamalskiye avialinii», NordWind, «Ikar», Fly, «Pobeda», «Aeroflot», «Rossiya», «SKOL», Utair aviakompaniyalari taqiqqa tushadi.
Moldova YEI a’zosi hisoblanmaydi, ammo 2022 yil martda u blokka a’zo bo‘lish uchun ariza bergan. O‘sha yilning yozida Bryussel Moldovaga YEIga a’zolik maqomini taqdim etgandi. Prezident Mayya Sandu Kishinyov 2030 yilga borib Yevropa Ittifoqi a’zosiga aylanishi mumkinligini istisno etmagan.
Rossiya Yaponiya va Janubiy Koreyaga hujum qilish rejalarini ishlab chiqdi – FT
O‘limga hukm qilingan amerikalik imkon qadar tezroq qatl qilinishini so‘radi
Rossiya havo hujumidan mudofaa tizimlari Ukraina qiruvchisini urib tushirdi
