Mobil aloqa tariflari oshishi asosliligi o‘rganilmoqda

Ayrim mobil operatorlar tarif narxlarini oshirishni rejalashtirgani ortidan Raqobat qo‘mitasi narxlar oshishining asosliligini o‘rganishni boshladi.

Foydalanuvchilar internet trafigi ko‘paysa-da, aloqa sifati yetarli emasligi, ishlatilmagan trafik keyingi oyga o‘tmasligi va narxlar oshishi xizmat hajmiga mos emasligidan norozi.

Qonunbuzilishlar aniqlansa, operatorlarga nisbatan tegishli choralar ko‘riladi.

Shuningdek, avvalgi o‘rganishlar natijasida:
— Beelineda ayrim avtomatik tarifga o‘tish amaliyoti bekor qilingan;
— davlat organlarining 100 dan ortiq ishonch telefoniga qo‘ng‘iroq qilish bepul qilingan;
— Mobiuzda tarifga o‘tishdagi texnik cheklovlar bartaraf etilgan;
— Ucell ommaviy ofertasi qayta ko‘rib chiqilgan.