Мобил алоқа тарифлари ошиши асослилиги ўрганилмоқда

Айрим мобил операторлар тариф нархларини оширишни режалаштиргани ортидан Рақобат қўмитаси нархлар ошишининг асослилигини ўрганишни бошлади.

Фойдаланувчилар интернет трафиги кўпайса-да, алоқа сифати етарли эмаслиги, ишлатилмаган трафик кейинги ойга ўтмаслиги ва нархлар ошиши хизмат ҳажмига мос эмаслигидан норози.

Қонунбузилишлар аниқланса, операторларга нисбатан тегишли чоралар кўрилади.

Шунингдек, аввалги ўрганишлар натижасида:
— Beelineда айрим автоматик тарифга ўтиш амалиёти бекор қилинган;
— давлат органларининг 100 дан ортиқ ишонч телефонига қўнғироқ қилиш бепул қилинган;
— Mobiuzда тарифга ўтишдаги техник чекловлар бартараф этилган;
— Ucell оммавий офертаси қайта кўриб чиқилган.