ATB “Mikrokreditbank” Farg‘ona mintaqaviy filiali amaliyot bo‘limining Toshloq tumanida joylashgan “Yakkatut” mini banki yetakchi mutaxassisi Asror Vahobov ham qing‘ir yo‘lni tanladi. Xizmat mavqeidan foydalanib, firibgarlik jinoyatini sodir etdi.
U mazkur bankning mijozi “Firdavs hilol fayz” mas’uliyati cheklangan jamiyati rahbari A. Sayidxo‘jayevni bankdan olgan kredit foizini to‘lamoqchi ekanligidan xabardor bo‘lgan.
Mijozni bank binosi oldida uchratib, unga kreditga hisoblangan 51 million so‘m foizini 22 million 800 ming so‘m naqd pul evaziga qoplab berishga va’da berib, ishontirgan. Albatta, bunday “xizmat” kimga ham yoqmaydi.
“Firdavs hilol fayz” mas’uliyati cheklangan jamiyati rahbari bank xodimiga kelishilgan pulni bergan. A. Vahobov uning 22 million 800 ming so‘m naqd pullarini qo‘lga kiritib, pullarni kredit foiziga to‘lamay, shaxsiy ehtiyojlari uchun sarflab yuborgan. Chuv tushgan mijoz bank xodimiga qonuniy chora ko‘rish uchun huquqni muhofaza qiluvchi idoraga ariza bilan murojaat qildi.
Tergov harakatlari davomida u yetkazilgan moddiy zarar o‘rni to‘liq qoplandi. Jinoyat ishlari bo‘yicha Marg‘ilon shahar sudining ochiq sud majlisida mazkur jinoyat ishi ko‘rib chiqildi.
O‘zbekiston milliy axborot agentligining xabariga ko‘ra, Sud A. Vahobovni bir yil bank – moliya tizimi idoralarida moddiy javobgarlik yuklatilgan vazifalarda ishlash huquqidan mahrum qilib, ish haqining yigirma foizini davlat daromadi hisobiga ushlab qolgan holda ikki yil axloq tuzatish ishlari jazosi tayinladi.
19 may kuni yomg‘ir yog‘ishi mumkin bo‘lgan hududlar e’lon qilindi
Tojikiston maktab ta’limiga to‘sqinlik qilganlik uchun jinoiy javobgarlikni kuchaytirdi
Qodirov Estoniyaga raketa hujumlarini uyushtirishga chaqirmoqda
