Indoneziya matbuoti O‘zbekiston ijtimoiy-siyosiy hayotida ro‘y berayotgan muhim voqealar haqida mamlakat jamoatchiligini xabardor qilishda davom etmoqda, deb xabar beradi “Dunyo” axborot agentligi.
"Mi’raj News Agency" axborot saytida yana bir maqola chop etildi. Unda ta’kidlanishicha, Xiva shahrida YUNESKO ko‘magida "Markaziy Osiyo sivilizasiyalar chorrahasida" xalqaro forumi bo‘lib o‘tadi.
YUNESKOga tayanib Indoneziya axborot resursining xabar berishicha, forum mintaqaning umumiy madaniyati va umumiy merosini o‘rganish va targ‘ib qilish uchun yaxshi imkoniyat yaratadi.
O‘zbekistonning Xiva shahri ming yillar davomida ta’lim, fan va madaniyat markazi, sivilizasiyalar beshigi vazifasini o‘tagan Ipak yo‘lidagi eng qadimiy shaharlardan biri, Ichan-qal’a ichki shahar esa 1990 yildan buyon YUNESKOning Jahon merosi ro‘yxatiga kiritilgani alohida ta’kidlanadi.
"Shaharning Juma masjidi, maqbaralar, madrasalar, shuningdek, XIX asr boshlarida qurilgan saroylar kabi noyob me’moriy diqqatga sazovor joylari har yili dunyoning turli burchaklaridan sayyohlarni o‘ziga jalb etadi", deb yozadi axborot resursi.
O‘zbekiston musulmonlari idorasi matbuot xizmati
Rossiya hukumati bunga rozi bo‘ldi
Putin va Ilhom Aliyev temir yo‘l sohasi faxriylari va xodimlari bilan uchrashuv o‘tkazdi
Iqtisodiy jihatdan Moldova faqat Rossiya bilan hamkorlikda rivojlana oladi
