Messi tomosha qilgan o‘yinda O‘zbekiston U20 terma jamoasi Argentinaga imkoniyatni boy berdi

O‘zbekiston yoshlar terma jamoasi Buenos-Ayres shahrida Xavyer Maskerano boshqaruvidagi Argentina U20 terma jamoasiga qarshi dastlabki o‘rtoqlik o‘yinini o‘tkazdi.

Uchrashuv mezbonlarning 2:0 hisobidagi g‘alabasi bilan yakunlandi. Argentina 17-daqiqada Mariano tomonidan urilgan gol evaziga hisobni ochgan bo‘lsa, ikkinchi bo‘lim boshida Franko ikkinchi to‘pni darvozamizga kiritdi.

E’tiborli tomoni, mazkur o‘yinni Lionel Messi stadionda chetida o‘tirgan holda kuzatib borgan.

Argentinaga qarshi keyingi uchrashuv 13 oktyabr Toshkent vaqti bilan soat 18:00 da bo‘lib o‘tadi.