Argentina Olimpiya terma jamoasi ustozi Xavyer Maskerano Lionel Messini Parij-2024 Olimpiadasiga olib ketishga tayyorligini ma’lum qildi.
“Messi bilan aloqalarim qanday? Ajoyib, Messi singari futbolchi bizga Olimpiya o‘yinlarida katta yordam berishi mumkin. Agar u istasa, men uni Olimpiya terma jamoasiga chaqiraman”, — dedi Xavyer Maskerano.
Eslatib o‘tamiz, Olimpiya o‘yinlarida terma jamoalarga U-23 yosh toifasidan katta bo‘lgan uch nafardan futbolchi olib ketish imkoni beriladi.
Ma’lumot uchun, Messi Pekin-2008 Olimpiya o‘yinlarida terma jamoasi bilan g‘oliblikni qo‘lga kiritgan.