"Mening aybim nima?" — 17 yoshli sportchi qiz o‘z joniga qasd qildi

17 yoshli sportchi zo‘ravonlik tufayli o‘z joniga qasd qildi. Sambochi Kseniya Cheponova tashqi ko‘rinishini masxara qilishlariga chiday olmadi. U Tog‘li Oltayskdan Novosibirskka Olimpiya zaxiralari maktabida o‘qishga ko‘chib o‘tdi.

Sportchi qiz o‘z joniga qasd qilishdan avval kanalida kechiktirilgan xabar qoldirdi:

«Mening aybim nima? Ko‘zlarim qisiq ​​bo‘lib tug‘ilganim uchunmi yoki terim qoraygani uchunmi? Men o‘z millatimdan hech qachon uyalmadim, toki ba’zilar buni hazilga aylantira boshlamaguncha».

Qiz, shuningdek, yaqinda sevgilisi bilan ajrashganini, lekin uning o‘limi bu bilan bog‘liq bo‘lishini xohlamasligini yozgan. U o‘z harakatini «bir lahzada hammasi juda qiyin bo‘ldi» iborasi bilan izohladi.

Qarindoshlarining aytishicha, zo‘ravonlik sababchisi sportchi qiz bilan birga shug‘ullangan sambo murabbiyining qizi bo‘lgan. Ular maktab rahbariyatiga shikoyat qilishdi, ammo barchasi muvaffaqiyatsizlikka uchradi. Hozir Tergov qo‘mitasi rahbari ishni shaxsan o‘z nazoratiga olgan.