NATO bosh kotibi alyans davlatlari havo hududiga kirgan Rossiya samolyotlarini urib tushirish tarafdori ekanini bildirdi.
"Men Trampning NATO havo hududini buzgan Rossiya samolyotlarini urib tushirish chaqirig‘ini qo‘llab-quvvatlayman", — dedi Mark Ryutte Fox News telekanali efirida.
AQSh prezidenti Donald Tramp Ukraina yetakchisi Vladimir Zelenskiy bilan o‘tkazilgan matbuot anjumanida NATO davlatlari o‘z havo hududiga kirgan Rossiya samolyotlarini urib tushirishi mumkinligini aytgan edi. Biroq, Tramp "Agar Yevropa davlatlari Rossiya samolyotini urib tushirsa, AQSh ularni qo‘llab-quvvatlaydimi?", degan savolga aniq javob bermay, "Bu vaziyatga bog‘liq" degan edi.