Amerikalik tadbirkor Ilon Mask uning Tesla kompaniyasi 2025 yilda ichki foydalanish uchun odamsimon robotlar ishlab chiqarishni yo‘lga qo‘yishini aytdi. Bu haqda u o‘zining X ijtimoiy tarmog‘ida ma’lum qildi.
«Kelgusi yilda Tesla chindan ham foydali insonsimon robotlarga ega bo‘ladi, biroq Teslaning ichki foydalanishi uchun ularning soni kam bo‘ladi. 2026 yilda biz boshqa kompaniyalar uchun [robotlarni] ommaviy ishlab chiqarishni yo‘lga qo‘yishga umid qilamiz», — dedi milliarder.
Bungacha aksiyadorlarning yillik yig‘ilishida Mask kompaniya zavodlari tez orada bir necha ming Optimus bilan jihozlanishini ma’lum qilgan edi . Uning so‘zlariga ko‘ra, kelgusi yilda Tesla korxonalarida mingdan ortiq, ehtimol bir necha mingdan ortiq robotlar ishlaydi.
Kompaniya Optimusni tejamkor ishlab chiqarishga intiladi , bunda bitta robotning narxi taxminan 10 ming dollarni tashkil qiladi. Xarajatlarni kamaytirish uchun kompaniya ommaviy ishlab chiqarishni boshlashni rejalashtirmoqda. Dastlab robotlar faqat lizing uchun taqdim etiladi.