Ukraina matbuoti Potap va Nastya Kamenskixning bo‘lajak nikohi haqida xabar berdi. Sobiq hamkasblarning to‘yi may oyining oxirida bo‘lishi kutilmoqda, deya yozadi Strana.UA portali.
Juftlik esa hamon sukut saqlamoqda. Biroq ularning yaqin do‘stlari Potap va Nastyaning nikoh to‘yi 23 may kuni Kiyevda bo‘lishini ta’kidlashmoqda.
Eslatib o‘tamiz, juftlik 10 yildan ortiq vaqt davomida birga ishlashgan. Bir necha yil oldin ularning hamkorligi to‘xtagan, ammo munosabatlar davom etib kelayotgan edi.
