Martinika orolida tartibsizliklar davom etmoqda, 12 askar yaralangan

Chorshanbadan payshanbaga o‘tar kechasi Martinik orolida sodir bo‘lgan tartibsizliklar natijasida 12 jandarm yaralandi. Ulardan biri o‘qdan yaralangan.

Ijtimoiy tarmoqlarda tartibsizliklar aks etgan ko‘plab videolar tarqalib, ularda Fort-de-Frans halqa yo‘lida yonayotgan barrikada va namoyishchilar tomonidan mashinalarga otilgan snaryadlar aks etgan.

Dushanba kuni polisiya va Le Lamentinda blokada uyushtirgan faollar o‘rtasida to‘qnashuvlar yuz berdi. Mahalliy hokimiyat ma’lumotlariga ko‘ra, blokadani olib tashlash operasiyasi davomida Le Karbetda to‘rt jandarm yengil jarohatlangan. Bundan tashqari, kommunada yangi tashkil etilgan hududiy brigadaning posti sifatida foydalanilgan munisipalitet binosi butunlay yonib ketgan.

Sentyabr oyidan beri orolda norozilik namoyishlari bo‘lib o‘tmoqda. Ular yashash narxining yuqoriligi sababli Afro-Karib dengizi xalqlari va resurslarini himoya qilish harakati tashabbusi bilan boshlangan. Namoyishchilar Martinikada 40 foizga yuqori bo‘lgan oziq-ovqat narxlarini Fransiya materikidagi narxlarga moslashtirishni talab qilmoqda.