Turkmaniston prezidenti Gurbanguli Berdimuhamedov kasal onasidan xabar olgani ketgani sababli ommaga ko‘rinish bermayapti. Bu haqda mamlakat siyosiy doiralaridagi manba ma’lum qildi.
Foto: Sputnik
«Prezident o‘lmagan, balki Germaniyaga onasidan xabar olish uchun uchib ketgan. Onaxon 10 kundan beri og‘ir holatda, to‘shakka mixlangan», — deya aniqlik kiritgan manba.
Eslatib o‘tamiz, Turkmaniston prezidenti Gurbanguli Berdimuhamedovning vafot etgani haqida «Govorit Moskva» Yevrosiyo muammolari monitoring markazi direktori Aslan Rubayevga tayanib xabar bergan edi. Uning so‘zlariga ko‘ra, Turkmaniston prezidentining o‘limi haqida Ashxobodda ishlaydigan biznesmenlar ma’lum qilgan.
Keyinroq Turkmanistonning Rossiyadagi elchixonasi prezident Gurbanguli Berdimuhamedovning vafoti haqidagi xabarlarni yolg‘on deb atadi.
Ushbu xabarlar yuzasidan rasmiy Ashxobod izoh berganicha yo‘q.
«Daryo» nashri Toshkentdagi Turkmaniston elchixonasi bilan bog‘lanishga urinib ko‘rdi, ammo rasmiy telefon raqamlari bo‘yicha qo‘ng‘iroqlarga hech kim javob bermayapti.
Stoltenberg: “Agar Ukraina urushda yutqazsa..."
O‘g‘ri bojxonachilar 26 tonna oltin bilan qo‘lga tushdi
Armaniston shu yilning o‘zidayoq Yevropa Ittifoqiga kirishga tayyor
