“9-dekabr – Xalqaro korrupsiyaga qarshi kurashish kuni” munosabati bilan o‘tkazilgan mazkur tadbirda vazirlikning Korrupsiyaga qarshi kurash va huquqiy-nazorat boshqarmasi mas’ul xodimlari, vazirlik huzuridagi Ixtisoslashtirilgan ta’lim muassasalari, Maktabgacha ta’lim agentligi hamda ommaviy axborot vositalari vakillari ishtirok etdi.
Tadbir avvalida vazirlik mas’ullari tomonidan sohada korrupsiyaga oid qonun buzilishi holatlarini oldini olish va bartaraf etish borasida vazirlik tomonidan olib borilgan ishlar haqida hisobot berildi.
Ta’kidlanganidek, vazirlikda fuqarolarning korrupsiya holatlari haqida xabar berishga mo‘ljallangan barcha turdagi aloqa kanallari hamda “Vazirga murojaat” portali faoliyati yo‘lga qo‘yilgan.
